Бэнидиэнньиккэ, ахсынньы 16 күнүгэр, Ил Дархан Айсен Николаев бырабыыталыстыба, баһылык уонна бырабыыталыстыба дьаһалтатын салалталарын кытта мунньахтаата. Онно 2024 сыл бүтүөр диэри болдьохтоох социальнай уонна инфраструктурнай эбийиэктэри тутууга болҕомто уурулунна. Ол туһунан регион салалтатын пресс-сулууспата суруйда.
Ил Дархан тутуу хаамыытын үлэтигэр күүһү эбэри, хантараак болдьоҕун тутуспат хампаанньаларга ыстырааптыыр миэрэлэри ылары эттэ.
«2024 сыл бүтэһик үлэтин нэдиэлэтэ саҕаланна. Бары күүһү эбийиэктэр тутууларын түмүктүүргэ уурарга. Быыһаарыыта суох биричиинэнэн хантараак болдьоҕун уһаппыт тутааччыларга ыстырааптыыр миэрэни ылыҥ», – диэтэ Айсен Николаев.
Ил Дархан 2024 сыл бүтүөр диэри сааскы халаантан эмсэҕэлээбит дьоҥҥо төлөбүрдэрин биэрэри эттэ.
Маны сэргэ, мунньахха онкологияны эрдэ быһаарбыт медицина үлэһиттэригэр төлөбүрдэр тустарынан уонна да атын боппуруостар дьүүллэһиннилэр.
