Ил Дархан Айсен Николаев сарсыҥҥы быһа эпииригэр ыйытыылары хомуйуу салҕанар. Бүгүҥҥү туругунан олохтоохтортон 650 тахса ыйытыы киирдэ, диэн Саха сирин ЦУР-а иһитиннэрэр, Саха сирэ суруйар.
Саха сирин олохтоохторо араас ыйытыылары биэрэллэр. Ол иһигэр, хаарбах дьиэттэн дьону көһөрүүгэ, суоллар туруктарыгар, ОДьКХ, доруобуйа харыстабылын, социальнай көмө, социальнай эбийиэктэри тутуу туһунан.
Дьокуускай куорат, ону тэҥэ Ленскэй, Нерюнгри, Алдан, Мииринэй оройуоннарыттан үгүс ыйытыылар киирдилэр.
“Быһа лииньийэ” сарсын олохтоох бириэмэнэн 19:00 ч. саҕаланыаҕа. Өрөспүүбүлүкэ Ил Дарханыгар ким баҕарар ыйытыы биэрэр кыахтаах.
Ыйытыыны маннык нүөмэринэн биэриэххэ сөп: 8 (4112) 506-006. Ону тэҥэ Telegram @voprosGlaveYakutii_bot чат-бота “Быһа лииньийэ” түмүктэниэр диэри ыйытыылары тутуоҕа.
Сытыы ыйытыыларга быһа эпиир кэмигэр Айсен Николаев хоруйдуоҕа. Атын ыйытыыларга кылгас болдьоххо судаарыстыбаннай былаас ситэриилээх уорганнара эппиэти ыытыахтара.
Биэрии “Саха НКИК”, “Якутия24”, “Россия24”, “Тэтим” араадьыйа, “Виктория Саха”, “СТВ-араадьыйа нөҥүө барыаҕа. Ону тэҥэ Айсен Николаев социальнай ситимнэринэн.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
This post was published on 23.09.2024 17:28 17:28