Дьокуускайга кулун тутар 10-11 күннэригэр Ил Дархан бирииһигэр дзюдоҕа Бүтүн Арассыыйатааҕы аһаҕас турнир буолар. Күрэхтэһии уон аҕыстарыттан аҕа эр дьон, дьахталлар уонна 2002-2004 сыллардааҕы юниордар, 2005-2007 сс. төрүөх уолаттар, кыргыттар ортолоругар ыытыллар.
“Триумф” Спорт киинин татамитыгар дойду сэттэ регионун спортсменнарын сэргэ Казахстан, Монголия дзюдоистара күрэс былдьаһыахтара. “Саха Өрөспүүбүлүкэтин дзюдоҕа федерацията” регионнааҕы уопсастыбаннай тэрилтэ вице-бэрэсидьиэнэ Игорь Лоик иһитиннэрбитинэн, бүгүҥҥү туругунан Саха сиригэр икки тыһыынчаттан тахса киһи дзюдонан, 800-чэкэ – самбонан дьарыктанар.
Күрэхтэһиини үөрүүлээхтик арыйыы “Триумф” Спорт киинигэр кулун тутар 10 күнүгэр, субуотаҕа, күнүс 12-00 чаастан буолар.
This post was published on 09.03.2018 17:30 17:30