Судаарыстыбаннай Дуумаҕа депутаттары талыы быыбара сүрүн политическай дьаһаллартан биирдэстэрэ. Дойду кэлэр сылларга сайдыытын суолун талабыт. Ол туһунан Ил Дархан Айсен Николаев Дьокуускайдааҕы быыбардыыр учаастакка куоластыыр кэмигэр эттэ, СИА суруйар.
«Судаарыстыбаннай Дуумаҕа депутаттары быыбардыырбытыгар, биһиги дойдубут сайдыытын суолун талабыт. Куоластааһын үс күн ыытыллар, бары санитарнай ирдэбил тутуһуллар. Дьон быыбарга кыттыыта көхтөөҕө үөрдэр», — диэтэ Айсен Николаев.
Ил Дархан Саха сирин олохтоохторун быыбардыыр учаастактарга кэлэн бэйэлэрин гражданскай бырааптарын толороллоругар ыҥырда.
This post was published on 17.09.2021 10:29 10:29