Саха сирин олохтоохторо улуустар уонна нэһилиэктэр баһылыктарын, итиэннэ оройуон уонна нэһилиэк дьокутааттарын таллылар, суруйда Саха сирэ саайт.
«Улуус баһылыктарынан буоллулар: Өлөөн эбэҥки национальнай улууһа — Иван Саввинов, Сунтаар улууһа — Анатолий Григорьев, Уус Алдан улууһа — Василий Алексеев, Хаҥалас оройуона — Сергей Гребнев.
Талыллыбыт баһылыктары уонна дьокутааттары эҕэрдэлиибин! Биһиги төрөөбүт өрөспүүбүлүкэбит барҕара сайдарын уонна Саха сирин хас биирдии олохтооҕо уйгулаах олоҕун туһугар бииргэ үлэлээһиммитин салҕыахпыт«, — диэн Ил Дархан Айсен Николаев бэйэтин телеграм-ханаалыгар суруйда.
This post was published on 15.09.2025 18:05 18:05