Бүгүн, кулун тутар 27 күнүгэр, Ил Дархан Айсен Николаев Дьокуускайга тутулла турар Эпос уонна искусство Арктикатааҕы киинигэр сырытта, суруйда Саха сирэ саайт.
«Үлэ тигинэччи бара турар, болдьох тутуһуллар. Хатыламмат, ураты кэрэ эбийиэк буолуоҕа диэн этиэхпин баҕарабын. «Азия оҕолоро» оонньуулар саҕаланыытыгар эбийиэк тас өттө бэлэм буолуоҕа. Билигин уот-күөс, тыас-уус, мультимедиа тэриллэрин атыылаһыы үлэтэ түмүктэнэн эрэр. Өрөспүүбүлүкэ култууратыгар суолталаах эбийиэк болдьоҕор үлэҕэ киирэрин туһуттан, тутуу тэтимин ыһыктыбаттарыгар соруйдум»,—диэн Айсен Николаев телеграм-ханаалыгар суруйда.
This post was published on 27.03.2024 17:01 17:01