Ил Дархан Айсен Николаев Донецкай Народнай Өрөспүүбүлүкэҕэ үлэлиир. Кини, бастатан туран, тирэх пууҥҥа сырытта. Ол туһунан бэйэтин телеграм-ханаалыгар суруйда.
Айсен Николаев тирэх пуун үлэһиттэрин кытта кэпсэттэ уонна байыастар өрөспүүбүлүкэттэн көмө ыла туралларын бэлиэтээтэ.
Регион баһылыга Саха сириттэн тиийэр тырааныспардары өрөмүөннүүр механиктар бөлөхтөрүгэр сырытта. Исписэлиистэр техникалары чөлүгэр түһэрэн, байыастарга инники кирбиигэ ыыталлар.
«Тирэх пууннарбытыгар махтанабын, үлэҕит иһин, буойуннарбытыгар көмөҕүт иһин, Кыайыы чугаһыырыгар сыаналаммат кылааккыт иһин!» — диэтэ Айсен Николаев.
This post was published on 06.03.2025 18:01 18:01