Үүнэр 2025 сыл — Улуу Кыайыы 80 сыла. 2025 сылы Саха сиригэр Ийэ дойдуну көмүскээччи сылынан биллэрилиннэ. Ол туһунан регион салайааччыта Айсен Николаев Ил Түмэҥҥэ туһаайыытыгар эттэ.
«Биһиги өрөспүүбүлүкэбитигэр Аҕа дойду улуу сэриитин тоҕус кыттыылааҕа олорор. Кинилэр сэрии толоонугар Ийэ дойду көмүскэлигэр сылдьыбыттара. Бу саалаҕа анал байыаннай дьайыы кыттыылаахтара бааллар — Россия Геройдара, Эр санаа уордьаннарын кавалердара, “За отвагу” уонна “За боевые заслуги” мэтээллээхтэр бааллар. Манна биһиги эрэллээх буойуннарбыт — эдэр кадеттар бааллар. Кинилэр Саха сирин олохтоохторун көлүөнэлэрин тулхадыйбат сибээстэрэ – куруук Аҕа дойду көмүскэлигэр турбут уонна туруохтаах дьон! Бу дириҥ суолталаах сибээс өссө чиҥииригэр, патриотизм тыына өссө күүскэ олохсуйарыгар, мин 2025 сылы Саха сиригэр Ийэ дойдуну көмүскээччи сылынан биллэрэбин», – диэтэ Айсен Николаев.
This post was published on 19.12.2024 12:40 12:40