Икки Тымныы оройун — Өймөкөөнү уонна Дьааҥыны — холбуур массыынанан айан Дьокуускайтан кулун тутарга стартыаҕа. 4 637 км уһуннаах айан Саха сирин Арктикатын оройуоннарын хабыаҕа, суруйар СИА.
Айанньыттар бырайыактарын Дьокуускайтан саҕалыыллар. Баайаҕа, Хаандыга, Өймөкөөн, Хонуу, Белай Гора, Депутатскай, Усть-Куйга, Верхоянскай куорат, Тополиное уонна төттөрү, икки хоту, түөрт Арктика оройуоттара, Дьааҥы хайалара, Сунтаар хайата, Черскай суолларыгар хабыллаллар.
Бөлөх састаабыгар туризм эйгэтин исписэлиистэрэ киирсэллэр. Кинилэр ортолоругар биллэр блогер Панда Саха баар буолара былааннанар.
«Маршрут Саха сирин хотугу-илин өттүгэр, икки Тымныы оройугар, саха Арктикатыгар туризм кыаҕын үөрэтиэ, быһаарыа. Маны сэргэ олохтоох муниципалитеттары уонна предпринимателлэри кытта сибээс олохтооһуна», — диэн кэпсээтилэр туризм сайдыытын Агентствотыгар.
Айан кыттыылаахтара Өймөкөөҥҥө сылдьыахтара, Верхоянскай куорат төрүттэммитэ 385 сылыгар анаммыт «Полюс холода — Верхоянск» бэстибээлгэ кыттыахтара. Манна Киһилээх хайа энергетикатыттан бэриһиннэриэхтэрэ. Тополинайга таба бырааһынньыгар ыалдьыттыахтара.
Авто-айан кулун тутар 13 күнүгэр стартыыра былааннанар.
