Өрөспүүбүлүкэ икки кыһыҥҥы суолугар олунньу 5 күнүттэн көҥүллэнэр таһаҕас уйуга үрдээтэ, диэн иһитиннэрэр Саха сирин массыына суолун управлениетын пресс-сулууспата.
Уопсайа 30 туоннаҕа диэри уйуктаах массыына барара көҥүллэнэр:
Мастаах – Кэбээйи кыһыҥҥы суолга 87+000 км — 248+530 км учаастакка 506-с км «Бүлүү» айан суолугар — Хампа — Кэбээйи Баҕадьаҕа киириилээх;
Улахан-Ан — Өлүөхүмэ улууһун кыраныыссата «Умнас» массыына суолун 143+400 км —349+440 км учаастагар Покровскайга, Мохсоҕоллооххо таарыйыылаах.
Ыйыллыбыт учаастактарга 30 туоннаҕа диэри ыйааһыннаах тырааныспардар сырыыларын көҥүллүүр суол бэлиэлэрэ туруорулуннулар. Сөптөөх техническэй-эксплуатационнай туругун бэдэрээттэһэр тэрилтэлэр хааччыйаллар: «РИК Автодор» АК (Кэбээйи улууһа) уонна «Строй-В» ХЭО (Хаҥалас улууһа).
