Күрэс төрүт көрүҥнэригэр XXII «Манчаары оонньууларын» иитинэн хабылыкка уонна хаамыскаҕа күрэхтэһии бүгүҥҥүттэн саҕаланна, диэн Саха сирэ сайт суруйар.
Инники күөҥҥэ түһэрдии бэлэмнэнэн кэлбит күрэсчиттэр күөн көрсүһүүлэрэ А.Е.Турнин аатынан күрэс уораҕайыгар буола турар. Манна 21 улуустан 114 спортсмен кэлбит. Бүгүн хабылыкка уонна «биэстээх тоҥсуурга» илин-кэлин түсүһэллэр. Күрэс ыытыллар хоһун таһыгар бэлэмнэнии кытаанаҕа буола турар.
Онтон сарсын «сэттэлээх тоҥсуур», «умсаах» күрэхтэһиилэрэ ыытыллыахтаахтар. Кыайыылаахтар кимнээх буолаллара быһаарыллыахтаах.
Күөн күрэскэ кытта кэлбит Сунтаар улууһун хамаандатын көрүстүм. Кэпсээбитэринэн, уопсайа 60 киһи кэлбит. Хабылыкка, хаамыскаҕа күрэсчиттэр бу иннинэ Бэрдьигэстээххэ ыытыллыбыт «Манчаары оонньууларыгар» иккис бочуоттаах миэстэни ылбыттар. Онон бу да сырыыга ситиһиилээхтик кыттар соруктаахтар.
