Россия дьиэ кэргэттэрэ «Ийэ хапытаалларын» хаалбыт чааһыттан 10 тыһ солк туттуохтарын сөп. Ол туһунан дойду президенэ Владимир Путин «Это у нас семейное» куонкурус кыайыылаахтарын кытта көрсүһүүгэ эттэ.
Президент быһаарыытынан, сотору кэминэн сокуоҥҥа уларытыы киириэҕэ, ол кэннэ туттуллубакка сытар харчыларыттан 10 тыһ солк биир кэмнээх төлөбүр быһыытынан ылыахтара.
Вице-премьер Татьяна Голикова эппитинэн, төлөбүр быһа оҥоһуллуоҕа.
Барыллаан 1,5 млрд солк бу сыалга дьиэ кэргэттэргэ ыытыллыаҕа.
This post was published on 09.07.2024 15:02 15:02