16 Атырдьах ыйа 16.08
  • 13°
  • $ 61,37
  • 62,51

Ийэ хапытаала 2020 сылга үрдүөҕэ

12:31, 19 сентября 2019
Текст:

Кэлэр сылтан Ийэ хапытаала үрдүүрэ былааннанар. Бу сыалга 325 миллиард солкуобайы көрдүлэр. Ол туһунан Биэнсийэ пуондатын бырабылыанньатын бэрэссэдээтэлэ Антон Дроздов иһитиннэрдэ.


         Ийэ хапытаала 2016 сылтан үрдээбэккэ турар. Билиҥҥи кээмэйэ – 453 тыһ. солк. 2020 сылга 470 тыһ. солк., 2021 сылга – 489 тыһ. солк. буолуохтаах.

Бастакы былаан быһыытынан, 2007 сылтан 250 тыһыынча солкуобайтан саҕалаан, 2018 сылга 500 тыһыынча солкуобайга тиийиэхтээх диэн этэ да, кириисис буолбутунан, тохтотон кэбиспиттэрэ. Ол да буоллар, уон сылиһигэр 81% үрдээбитин бэлиэтиир тоҕоостоох.

Маны тэҥэ дойду аҕа баһылыга Владимир Путин Ийэ хапытаалын 2021 сыл ахсынньы 31 күнүгэр диэри уһатарга этии киллэрбитэ.

         Санатар буоллахха, Ийэ хапытаала Арассыыйаҕа 2007 сылтан үлэлиир. Бу кэм устата Ийэ хапытаала, чахчы, көдьүүстээҕин көрдөрдө. Дойду үрдүнэн 8 мөлүйүөнтэн тахса дьиэ кэргэн сэртипикээти ылбыта, кинилэртэн 56 %-нара Ийэ хапытаалын үбүн-харчытын туһаннылар.

Ангелина Васильева, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА
0
0