««Демография» национальнай бырайыагынан 2019 сылтан 58,6 тыһыынча ыал оҕоломмутунан үбүнэн өйөбүл ылла, барыта 1640 ЭКО процедура оҥоһулунна. 2019 сылтан 24 дьыссаат үлэҕэ киирдэ. Чааһынай дьыссааттарга 2 411 миэстэ таҕыста. Барыта 5 350 миэстэ арылынна. «Содействие занятости» федеральнайдааҕы бырагырааманан оскуола иннинээҕи саастаах оҕолору иитэр төрөппүттэри, ол иһигэр дьахталлары үөрэтэр тэрээһиннэр ыытыллаллар. 2019 сылтан үс тыһыынчаттан тахса киһи үлэнэн хааччылынна», — диэтилэр биэдэмистибэҕэ.
Ил Дархан Айсен Николаев Ил Түмэҥҥэ туһаайыытыгар демография үрдээһинин былаас үлэтин таһаарыытын сүрүн маркерынан эппитэ.
