Хаҥалас улууһугар Саха сирин бастакы президиэнэ Михаил Ефимович Николаев аатыгар буолбут II Николаев пуорумҥа кыттааччылар бастыҥ бырайыактарын быһаардылар.
Икки бырайыак бастыҥынан быһаарылынна: «Сырдат» Саха сирин култууратыгар уонна историятыгар анаммыт национальнай ыччат дьыктаана уонна «ТРУД 14» эрдэҕэс саастаах оҕолору үлэнэн хааччыйыыга платформа. Кыайыылаахтар «РАНХиГ» үрдүк үөрэх кыһатыгар үөрэнэргэ сертификаттары туталлар.
Саха сирин улуустарыттан уонна куораттарыттан, Иркутскай уобаластан 100-чэ ыччат мустан түөрт хайысханан үөрэх бырагырааматын аастылар: быраап, үп, медиа уонна култуура эйгэлэригэр билиигэ. Кинилэр ортолоругар бастыҥнар быһаарылыннылар. Үп хайысхатыгар Евгения Васильева (Нерюнгри), медиа — Сардаана Егорова (Бүлүү), быраап — Диана Белолюбская (Уус-Майа), култуураҕа — Уйгулана Туласынова (Чурапчы).
This post was published on 05.11.2024 12:02 12:02