20 От ыйа 20.07
  • 17°
  • $ 88,02
  • 96,04

II Баҕарахха саҥа былаһаакка аһылынна

16:32, 04 июля 2018
Текст:
Читайте нас на
Яндекс Новости
ЯДВ

Бэс ыйын бүтэһик күнүгэр биһиги түөлбэҕэ бэртээхэй тэрээһин — оҕо оонньуур, эт — хаан өттүнэн сайдарыгар аналлаах бэртээхэй тренажёрдардаах саҥардыллыбыт, кэҥээбит былаһаакка үөрүүлээх быһыыга-майгыга арыллыыта буолла.


Бу тэрээһин төрдө-төбөтө уонча сыллааҕыта саҕаламмыта. Ол курдук, дьаһалтаҕа көрүллүбүт үбүлээһининэн оҕо оонньуур былаһаакката оҥоһуллубута. Онтон быйыл таптыыр, үүнэр-сайдар Хатаспыт сиригэр-уотугар кэлэн бэһис сылын үлэлиир »Сириус» тэрилтэ төрүттэммитэ 10 сыла буоларын бэлиэтиир тэрээһиннэриттэн биирдэстэрэ буолан,  былаһааккабытын кэҥэтэн, байытан өссө эбии атын хайысханы (спортивнай тренажёрдары) киллэрдилэр.Былаһааккабыт аһыллыытын сиэрин-туомун ыытарга олохтоохтору кытта дьаһалта баһылыга Парасковья Козлова, »Сириус» тэрилтэ салайааччыта Алексей Пинигин, кылаабынай инженер Анатолий Калинов уо.д.а. атыттар кэллилэр.Сахалыы үгэспитинэн аал уоту оттон айах туттубут, ытыс ымыыта хомус тыаһынан (Айта Чепалова толоруутугар) ыраастаатыбыт. Ыалдьыттарбытын алгыстаах кымыһынан, алаадьынан күндүлээтибит.Парасковья Козлова бар дьонун бу үөрүүлээх түгэнинэн эҕэрдэлээтэ: — «Сириус» тэрилтэ нэһилиэк уопсастыбаннай олоҕор улахан көмөтүн иһин махтанабыт. Олохтоохторго, оҕолорго туһулаан, бу дьоһун бэлэҕи сыа-сым курдук тутан, көрөн-истэн, харайан, сылын ахсын тупсаран иһэргитигэр ыҥырабын, — диэтэ.Алексей Пинигин: «Биһиги тэрилтэбит олохтоммута 10 сыла, Хатаска базаланан олорбуппут 5 сыла. Үлэһиттэрим Саха сирин араас улуустарыттан төрүттээх үлэлиэн-хамсыан баҕалаах, билиилээх-көрүүлээх, сатабыллаах эдэр ыччаттар. Үлэбит чэрчитинэн уонтан тахса улууска социальнай суолталаах эбийиэктэри туттубут, тута сылдьабыт. Кэлэктиибим дьоно мунньахтаан, сүбэлэһэн баран тутар былаһааккабыт ордук эт-хаан сайдыытыгар көмө буоллун диэн спортивнай хайысханы тутустубут. Тренажёрдарбыт уратылара диэн, саха норуотун улуу уолун Дмитрий Коркин айан оҥорбут тэриллэрин туруордубут. Манныктарга эрчиллэн, буһан-хатан элбэх киһи аан дойду таһымыгар тахсыбыта», — диэн эттэ.«Тутуу саҕаланыаҕыттан бүтүөр диэри кэлэ-бара көрөн, сэргээн, астынан кэтэһэ сылдьыбыппыт. Бэйэм үлэм да чэрчитинэн, төрөппүт даҕаны буоларым быһыытынан, маннык үтүө быһыы-майгы биһиги олохпутугар баарыттан ис сүрэхпиттэн үөрэбин», — диэн Михаил Окороков санаатын биллэрдэ.Уйусхан Семёнов: «Биһиги түөлбэ оҕолорун аатыттан ис сүрэхпититтэн былаһаакканы туппут дьоҥҥо, олохтоох дьаһалтаҕа махтанабыт. Бары көрө-истэ сылдьыахпыт», — диэтэ.«Тускул» култуура киинин үлэһиттэрэ, II Баҕарах түөлбэ олохтоохторо Евдокия СеменоваТатьяна Окорокова ис сүрэхтэриттэн кыһаллан сценарий суруйан, оҕолору оонньоторго бэлэмнэнэн кэлэн тэрээһиммит сүрдээх көхтөөхтүк ааста. Валентин Чепалов хаартыскаҕа түһэрэн бу түгэни үйэтиттэ. Түөлбэ салайааччыта Ирина Алексеева киэргэтиигэ, минньигэһинэн күндүлээһиҥҥэ сүүрдэ-көттө. Былаһаакка бэлиэ күлүүһүн оҕолорбут туттулар.Тэрээһини ырыанан киэргэппит Сарыал ИвановкаАлгыс Поповка, хомус тыаһын бэлэхтээбит Айта Чепаловаҕа махталбыт улахан. Сонно тута кэлбит дьоҥҥо тренажёрдар хайдах үлэлииллэрин көрдөрбүт Ваня Степановка,Уйусхан СемёновкаЛюба ОкороковаҕаГаня Константиновка махтанабыт.Дьэ ити курдук, Хотой Айыы сылын дириҥ ис хоһоонун толору тутуһан, Арассыыйа үрдүнэн биллэриллибит Үтүө санааланыы сылын, Сахабыт сиригэр Дьарыктаах буолууну көҕүлээһин сылларыгар эппиэттиир бэртээхэй тэрээһин барбытын биир тыыҥҥа, биир тэтимҥэ, биир санааланыыга үктэннэрэн үөрүүбүт үрдээтэ, саргыбыт сайынна.

Наталья РУФОВА, edersaas.ru, СИА.
Следите за самым важным и интересным в Telegram-канале и WhatsApp-группе ЯСИА