Уус Алдан улууһугар Кыыллай бөһүөлэгэр айаннаан испит 6 пассажирдаах УАЗ-фургон массыына муус анныгар түспүт. Биэс киһи быыһаммыт, биир киһи тимирбит. Быыһыыр сулууспаҕа бу туһунан иһитиннэрии муус устар 30 күнүгэр киирбит.
Эмсэҕэлээбит дьон Чэриктэйтэн 30 км. сиргэ бааллара, бэйэлэрин кыахтарынан нэһилиэккэ тиийэр кыахтара суоҕа. Булчуттарга быыһыыр сулууспа үлэһиттэрэ көмөлөспүттэр. Ууга былдьаммыт киһи өлүгүн Дьокуускайга тиэртилэр.
Саха сирин өрүстэригэр муус чарааһынан айан бобуллар. Көҥүлэ суох айан иһин административнай ыстараап, баайы-малы сүтэрии эрэ буолбакка, олоххо кутталлааҕын туһунан быыһыыр сулууспа сэрэтэр.
This post was published on 04.05.2016 09:42 09:42