14 От ыйа 14.07
  • 31°
  • $ 87,74
  • 95,76

Иччитэх дьиэ уоруйах болҕомтотун тардар

19:00, 26 февраля 2018
Текст:
Читайте нас на
Яндекс Новости
ЯДВ

Дьиэни, кыбартыыраны иччитэхтии хаалларарга, харчыны, сыаналаах маллары үчүгэйдик кистиэххэ, бүччүмнүк ууруохха наада быһыылаах. 


СӨ ИДьМ-тын пресс-сулууспата иһитиннэрбитинэн, Аллараа Халымаҕа биир дьахтар кыбартыыратыттан 5100 солк. сүппүт. Ону тута полицияҕа тыллаабыт.

Холуобунай ирдэбил оперативниктара бу уорууга уорбалаан, 26 саастаах киһини туппуттар. Уорбаланааччы буруйун билинэр көрдөрүү биэрбит.

Барыллаан быһаарыынан, бу киһи дьахтарга куруук ыалдьыттыыр уонна кини дьонугар быстах олорорун, бэйэтин кыбартыырата иччитэх турарын билэр эбит.

Биир сарсыарда эрдэ туран, уоруйах дьахтар кыбартыыратын аанын алдьатан киирэн, аан айаҕар турар хомуоттан баар харчыны барытын ылан тахсыбыт. Ону барытын бэйэтигэр бараабыт.

Бу чахчынан «уоруу» ыстатыйанан холуобунай дьыала тэриллибит.

Онтон Ленскэйгэ биир киһи дьиэтигэр уоруу тахсыбытын туһунан полиция дьуһуурунай чааһыгар эрийэн иһитиннэрбит. 28 тыһ.солк. хоромньуламмыт.

Уорбаланааччы быһыытынан, урут уорууга түбэһэн сууттана сылдьыбыт 40 саастаах киһи тутуллубут.

Бу киһи итирэн баран, ити билэр киһитин дьиэтин аттынан ааһан иһэн, ол киһи балыыһаҕа сытарын, дьиэтигэр ким да суоҕун өйдөөн кэлбит. Уонна ааны алдьатан киирэн, 28 тыһ. солк. сыаналаах тэлэбиисэри ылан тахсыбыт.

Бу чахчынан бэрэбиэркэ ыытыллар.

Следите за самым важным и интересным в Telegram-канале и WhatsApp-группе ЯСИА