«Иччитэх дьиэ» сэрийээл Саҥа дьыл иннинэ, сэтинньиттэн көстүөҕэ. Режиссер — Марина Барашкова, сценарист — Сардаана Сивцева-Даана Сард.
Сүрүн оруолларга Аграфена Макарова аатынан Култуура, ускуустуба колледжын устудьуоннара оонньоотулар.
— «Иччитэх дьиэ» сэрийээлгэ эдэр суруйааччы уол бастакы кинигэтин суруйаары, ыраах дэриэбинэҕэ тиийэн, иччитэх дьиэҕэ олохсуйар. Ол онно кини араас күчүмэҕэйдэри көрсүөҕэ.
Биһиги Суотту олохтоохторугар, көмөлөспүт дьоҥҥо-сэргэҕэ улахан махталбытын тиэрдэбит. Сэрийээлгэ саҥа дьоруойдар, эдэр артыыстар көстүөхтэрэ. Сүрүн оруолларга култуура, ускуустуба колледжын устудьуоннара онньоотулар, — диэн «Саха» НКИХ сэрийээл сулууспатын салайааччы Марфа Пермякова кэпсээтэ.
This post was published on 10.11.2025 15:13 15:13