19 От ыйа 19.07
  • 21°
  • $ 87,88
  • 96,1

«Хотугу Синергия» форумҥа кыттарга тиэтэйиҥ

17:02, 24 июля 2018
Текст:
Читайте нас на
Яндекс Новости
ЯДВ
“Хотугу Синергия” эдэр ыччат форумугар сайаапканы тутан бүтэллэрэ 4 эрэ хонук хаалла. Бу сылга эдэр ыччакка аналлаах биир саамай сүрүн тэрээһин атырдьах ыйын 7 – 11 күннэригэр ыытыллыаҕа. Тэрээһин Мэҥэ Хаҥалас улууһугар Аллараа Бэстээххэ Тырааныспар техникумун уонна Спорт үрдүкү маастарыстыбатын кыһатын баазаларыгар буолуоҕа.


Үөрэх былаһаакката үс көрүҥҥэ арахсан үлэлиэҕэ: “МИН-УРБААННЬЫППЫТ”, “МИН-ИНЖЕНЕРБИН” уонна “БИҺИГИ-ДОБРОВОЛЕЦТАРБЫТ” – Арассыыйаҕа Үтүө дьулуур сылыгар анаммыт хайысха.

Кыттааччылары кытта ыҥырыылаах Арассыыйа спикердэрэ, Саха Өрөспүүбүлүкэтин салалтата, бастыҥ инженердэр, политическай диэйэтэллэр, биллэр айар-тутар дьон, спортсменнар, волонтерскай хамсааһыны тэрийээччилэр, бастыҥ урбаанньыттар бииргэ үлэлэһиэхтэрэ, ситиһиилэрин туһунан кэпсиэхтэрэ. Үгэс буолбут эдэр дьоҥҥо аналлаах кэпсэтии былаһаакката үлэлиэҕэ. Онно сыл аайы ыытыллар “Хотугу синергия” тэрээһиҥҥэ өрүү көтүппэккэ кыттыыны ылар Ил Дархан э.т. Айсен Николаевы  кытта ыччаттар кэпсэтиэхтэрэ.

Форум сүрүн тэрийээччитэ — Ыччат дьыалатын уонна дьиэ кэргэн бэлиитикэтин министиэристибэтэ бэлиэтииринэн, “Хотугу Синергия” чэрчитинэн “МИН-ИНЖЕНЕРБИН” Уһук илиннээҕи куонкурус II түһүмэҕэ ыытыллыаҕа.

Ону таһынан, “Эн – предпринимательгин” федеральнай бырагыраама чэрчитинэн формуҥа “Арассыыйа эдэр предпринимателэ” диэн Бүтүн Арассыыйатааҕы куонкурус регионнааҕы түһүмэҕэ ыытыллыаҕа. Былырыыҥҥы куонкуруска “Хотугу Синергия” 4 кыттааччыта призер буолбута. Кинидэр Саха Өрөспүүбүлүкэтин чиэһин Бүтүн Арассыыйатааҕы куонкуруска көмүскээбиттэрэ.

Сунтаар улууһун эдэр урбаанньыта Денис Павлов (“Дархан” киинэ тыйаатыра) Бүтүн Арассыыйатааҕы “Арассыыйа эдэр предпринимателэ – 2017” куонкурус «Работодатель года” номинациятыгар 3-с миэстэ буолбута . “Производство года”диэн номинацияҕа анал наҕарааданы “За бизнес в тяжелых условиях”  үлэтинэн Уус Алдан улууһун урбаанньыта Гаврил Троев (Пекарня “Хоринский”) ылбыта.

Сыл аайы бу форум кыттыылаахтарын бастыҥ бырайыактара СӨ Бырабыыталыстыбатын Граннарыгар  тиксэллэр. Оннукка тиксибит дьонтон үксүлэрэ үлэлэрэ-хамнастара сайдан, кэҥээн иһэр. Ол аата, Саха сирин ыччата араас хайысхаҕа дьоҕурдааҕын уонна кыахтааҕын туоһулуур.

Сайаапканы тутан бүтэллэрэ 4 эрэ күн хаалла. Сэргээбиттэр, сэҥээрбиттэр от ыйын 27 күнүгэр диэри  регистрацияланыаххытын сөп. 

Билсэр аадырыскыт: https://ais.fadm.gov.ru/event/11237

Афанасий НОЕВ, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА