18 Тохсунньу 18.01
  • -48°
  • $ 73,82
  • 83,32

«Хотугу муза» Галина Кривошапкоҕа анаммыт быыстапка

17:57, 20 июня 2016

РСФСР искусствотын үтүөлээх диэйэтэлэ, САССР норуодунай артыыһа, Былатыан Ойуунускай аатынан СӨ Судаарыстыбаннай бириэмийэ лауреата, дирижер Галина Кривошапко төрөөбүтэ 100 сылынан СӨ муусука уонна фольклор түмэлигэр быыстапка буолан ааста. Бу туһунан СИА түмэл научнай сотруднига Мария Наумова иһитиннэрдэ.


«Долгутуулаах түһүлгэҕэ Муусука үрдүкү оскуолатыттан, Олоҥхо институтуттан, национальнай үҥкүү тыйаатырыттан, о.д.а. тэрилтэлэртэн ыҥырыылаах ыалдьыттар муһуннулар. Ыалдьыттарга мусуой дириэктэрэ, РФ үтүөлээх артыыһа, муусука биллиилээх диэйэтэлэ, пианист Аиза Решетникова Галина Кривошапколыын бииргэ алтыспыт кэмнэрин аҕынна, быыстапка туһунан кэпсээтэ, мусуой үлэтин сырдатта. Бу долгутуулаах күн Италия, Россия биллиилээх дирижера, пианист Фабио Мастранджело ыалдьыттаабыта ытык киһибитигэр — Галина Михайловнаҕа сүгүрүйүү, өрөспүүбүлүкэбит култуураҕа үлэтин үрдүктүк сыаналааһын быһыытынан буолла. Кини тыйыс тымныылаах хоту сиргэ Галина Михайловна классическай музыканы сайыннарыыга сүҥкэннээхэй үлэни оҥорбутун, симфоническай оркестры тэрийбитин сөҕөн-махтайан бэлиэтээтэ. Туруоруммут сыалын-соругун ситиһэр хорсун санаалаах диэн тоһоҕолоон эттэ», — диэтэ кини.

IMG-20160620-WA0025Быыстапкаҕа Галина Кривошапко ноталара, дьиэ кэргэнин архыыбыттан хаартыскалар, дирижер кэнсиэргэ кэппит былааччыйалара о.д.а. бааллара болҕомтону улаханнык тардыбыт.  Дьон-сэргэ үтүө киһи туһунан истиҥник  ахтыһан, чаҕылхай кэмнэри санатыһан астынан тарҕаспыт.

0
0
18 января 18.01
  • -48°
  • $ 73,82
  • 83,32