«Северный форум» хотугу регионнар норуоттар ардыларынааҕы тэрилтэ 2025 сылтан Арктика туһунан дистанционнай үөрэх бырагырааматын саҕалыыр. Ол туһунан толорооччу дириэктэр Владимир Васильев ТАСС-ка эттэ.
«Арктика туһунан хоту дойду олохтооҕо бэйэтэ да толору билбэт. Соҕуруу дойдулар уонна регионнар билиилэрэ намыһах. Хотугу форум норуоттар ардыларынааҕы оскуола-партнердарын ситимнэрин тэрийиэхпит. Баазатыгар дистанционнай киэбинэн эбии үөрэх бырагырааматын ыытыахпыт. Лекциялары Арктика дойдуларын бастыҥ хоту сири үөрэтээччилэрэ ааҕыахтара», — диэтэ Васильев.
Кини эппитинэн, бырагыраама пилотнай эрэһиимҥэ кэлэр үөрэх дьылыттан саҕаланыаҕа.
This post was published on 12.02.2024 11:01 11:01