Бу сыл алтынньы 13 күнүгэр бырабыыталыстыба даһалынан биэс ветеринария тэрилтэтэ уларыйара былааннанар:
— Анаабырдааҕы уонна Өлөөннөөҕү управлениелар Мииринэйдээҕи салааҕа холбоһоллор;
— Муоматааҕы — Чурапчыга;
— Абый — Уус-Алдаҥҥа;
— Өймөкөөн – Тааттаҕа.
Тэрилтэлэр уларыйыыларыгар үлэһиттэр ахсааннара, хамнас оннунан хаалаллар. Олохтоох управлениелар салайааччыларын хамнастара филиал салайааччыта диэҥҥэ уларыйан, кыччыыр.
Ветеринарнай-бэрэбиэркэлиир лабораториялар ол иһигэр эт, үүт, балык ветсанэкпертизалара уруккутун курдук миэстэтигэр Өлөөҥҥө, Сааскылаахха, Хонууга, Үрүҥ Хайаҕа, Уус Ньараҕа оҥоһуллуохтара.
2019 сыллаахха бу курдук Уус-Маайатааҕы управление Аммаҕа холбоспут, Эдьигээн – Намҥа, Аллайыаха – Хаҥаласка. Бааһынай уонна Крытай ырыынак ветеринарнай лабораториялара өрөспүүбүлүкэтээҕи ветеринарнай лабораторияҕа кыттыспыттар. Маныаха үлэһиттэр ахсааннара, исписэлиистэр хамнастара оннунан хаалбыт.
Уларыйыы түмүгэр салайар-дьаһайар аппарат кыччаабыт, Эдьигээн, Амма, Аллайыаха салааларыгар ититии, уот, сибээс өҥөлөрүн иһин иэс сабыллыбыт; Аллайыахаҕа, Уус Маайаҕа үлэлиир дьиэлэр кыччаабыттарын суотугар коммунальнай өҥөҕө төлөбүр кыччаабыт, Уус Маайатааҕы салаа дьиэтэ өрөмүөннэммит. Командировкаҕа, уоппускаҕа барыыга, ыстаадаҕа үлэлии барарга уматык харчыта көрүллэр буолбут.
Уларыйыылар туһунан сиһилии https://ysia.ru/nachalsya-novyj-etap-reorganizatsii-vetupravlenij-v-yakutii/; https://ysia.ru/departament-veterinarii-yakutii-razyasnil-pochemu-reorganizuyut-podvedomstvennye-organizatsii/ аах.
This post was published on 02.12.2020 11:01 11:01