Коронавируһу быһаарыыга атыылаһыллыбыт бастакы экспресс-тестэр суола-ииһэ суох ыраах нэһилиэнньэлээх пууннарга ыытыллаллар. Ол туһунан Айсен Николаев соцситимнэринэн быһа эфиргэ эттэ.
«Доруобуйа харыстабылын министиэристибэтигэр экспресс-тестэри ылыыны түргэтэтэргитигэр сорудахтыыбын. Чинчийиилэр миэстэтилэр ыытыллыахтаахтар. Түмүгү кэтэһиигэ бириэмэ барыа суохтаах. Эмтэниигэ быһаары ылалла охсуохтаах. Бу олус суолталаах, ыарыы түргэнник тарҕанар», – диэтэ Айсен Николаев.
Экспресс-тестэри туттуу ПЦР-лабораториялар ноҕоруускаларын чэпчэтиэ.
Министиэристибэ дааннайынан, бастакы партиянан 37 тыһыынча экспресс-тест кэлэн, улуустарга түҥэтиллэр. Иккис бу күннэргэ кэллэ, ахсаана — 34 000.
