200 сыл ынараа өттүгэр уоспа ыарыытыттан хоту дойду дьоно түөлбэлээн олорор сириттэн соҕотоҕун тыыннаах хаалбыт Кындыкан кыыс оҕо туһунан остуоруйаны эдэр суруйааччы Лидия Тарасова суруйар. Кинигэ уруһуйун графическай дизайнер, юкагир хааннаах худуоһунньук Алексей Винокуров оҥорор.
«Үһүйээн хоту дойду култууратын, үгэһин кэрэһэлиир. Билиҥҥитэ остуоруйа сүрүнэ суруллан бүттэ. 1-2 бас хаалла. Салгыы көннөрүү, уруһуй үлэтэ оҥоһуллуо», — диир суруйааччы.
Остуоруйа суруллуутугар хоту дойду аҕыйах ахсааннаах төрүт олохтоохторо сүбэ-ама, көмө буолаллар. Кинилэр истэригэр эбээн суруйааччыта, прозаик, Саха сирин эбээннэрин түмсүүтүн бэрэссэдээтэлэ Анатолий Степанов — Ламутскай уонна эдэр эбээн тылын лингвиһа Борис Осипов бааллар.
Худуоһунньук Алексей Винокуров этэринэн, инникитин Кындыкан уобараһа анимационнай киинэҕэ, оонньууларга, төлөпүөн сыһыарыыларыгар, оонньуурдарга туһаныллыа.
Остуоруйаны суруйааччылар Кындыкан уобараһын нөҥүө хоту дойду аҕыйах ахсааннаах төрүт олохтоохтор култуураларын, үгэстэрин билиһиннэрэр, киэҥник кэпсиир баҕалаахтар.
This post was published on 26.05.2021 13:01 13:01