Хор кэлэктииптэрэ Аҕа дойду улуу сэриитигэр Кыайыыга уонна буойун хорсун быһыытыгар анаммыт ырыалары толордулар. Опера уонна балет тыйаатырын артыыстара Александр Емельянов, Григорий Петров, Екатерина Захарова уонна Петр Бучугасов толоруулара ураты тыыны киллэрдэ.
С.А. Зверев — Кыыл Уола аатынан национальнай тыйаатыр, Саха сирин үҥкүү спордун сойууһа, «Вальс Победы» бэстибээл кыттыылаахтара бырагырааманы киэргэттилэр.
Бастыҥнары эҕэрдэлээтилэр.
III степеннээх лауреат дипломун Бороҕон наруодунай хора, II степеннээҕи Намтан «Ньургуһун» үҥкүү-хор норуодунай кэлэктиибигэр, «Дуораан» устудьуон хорун кэлэктиибигэр уона Мэҥэ Хаҥалас Төҥүлүтээҕи хоругар туттартаатылар. I степеннээх лауреат диплома С.Г. Васильев аатынан Найахы норуот хоругар, Бүлүүтээҕи М.Н. Жирков аатынан култуура дыбарыаһын холбоһуктаах хоругар уонна «Вдохновение» дьахтар хоругар биэрдилэр.
Анал бириистэр бааллар: «Душа хора», «Лучший хормейстер», «Лучший концертмейстер» уонна «За лучшее исполнение песни патриотического содержания».
