Бүгүн Хонуу сэлиэнньэтигэр Кыайыы болуоссатыгар күүтүүлээх Саҥа Дьылбыт кэрэ бэлиэтэ — күөх харыйа күлүмнэс уотунан умайда, диэн суруйда СИА-ҕа Валентина Старостина.
Харыйа тула уһуйаан, оскуола оҕолоро, бэл, көтөххө да сылдьар кырачааннар Тымныы Моруос оҕонньордуун, Хаарчааналыын уонна остуоруйа геройдарын кытта хоровод эргийдилэр.
Хоту дойду кырачаан олохтоохторугар аптаах-алыптаах кэм саҕаланна.
Оттон сарсыарда Н.А.Брызгалов аатынан Индигир орто оскуолатыгар үөрэх күнэ маннык саҕаламмыта.
Оскуола ааныгар оҕолору, учууталлары Тымныы Моруос оҕонньор көрүстэ.
This post was published on 01.12.2023 15:25 15:25