23 От ыйа 23.07
  • 26°
  • $ 87,78
  • 95,76

Хомустаах герефордара уонна барааннара үчүгэйдик кыстаабыттар

16:31, 18 апреля 2018
Текст:
Читайте нас на
Яндекс Новости
ЯДВ

Нам улууһун бэтэринээрдэрэ сүөһү араас сыстыганнаах уонна сыстыгана суох ыарыыларын утары эмтиир-сэрэтэр үлэни тэрээһиннээхтик ыыталлар.

Бэҕэһээ кинилэр өрүс уҥуор тахсан, Иккис Хомустаах нэһилиэгин Үүнэр учаастагар Николай Пикович Ширяев салайар “Маяк” кэпэрэтиибин сүөһүлэрин көрдүлэр-иһиттилэр, анаалыска хаан боруобатын ыллылар. Кэпэрэтиип эккэ идэтийэр герефорд боруоданы иитэр. Билиҥҥитэ 32 сүөһүнү кыстаппыт, онтон биэс ынах төрөөбүт. Туруктара үчүгэй. Маны таһынан, хаһаайыстыба икки козалаах уонна 25 барааннаах. Сылаас дойдуттан төрүттээх кыыллар туруктара куһаҕана суох, кыһамньылаах көрүү-истии түмүгэр, Саха сирин тыйыс кыһынын тулуйбуттар.

 

Герефордар үчүгэйдик кыстаабыттар

Барааннар да туруктара куһаҕана суох.

Раиса Сибирякова, “Саха сирэ”, edersaas.ru

Следите за самым важным и интересным в Telegram-канале и WhatsApp-группе ЯСИА