28 Бэс ыйа 28.06
  • -7°
  • $ 104,68
  • 115,6

Хомуска аан дойду ааттаахтара Дьокуускайга мустуохтара

15:01, 16 мая
Текст:

“Аан дойду виртуоз-хомусчута” норуоттар икки ардыларынааҕы III куонкурус Дьокуускай куоракка, бу сыл бэс ыйын 16-17 күннэригэр ыытыллыаҕа, суруйар edersaas.ru

Киэҥ далааһыннаах куонкурус иитинэн улуустар кыттыылаах хомуһу тардыыга флеш моб буолуоҕа. Куонкурус-бэстибээл кыайыылаахтарын гала-кэнсиэрин П.А. Ойуунускай аатынан Саха академическай тыйаатырыгар бэс ыйын 17 күнүгэр тэрийиэхтэрэ. Ону тэҥэ, бырагыраамаҕа “Якутск – мекка хомуса” диэн быыстапка уонна атын даҕаны тэрээһиннэри былаанныыллар.

Бу иннинэ куонкурус 1991 уонна 2011 сыллардаахха Норуоттар икки ардыларынааҕы хомус кэнгириэс-бэстибээлин чэрчитинэн икки төгүл ыытыллан турар. Норуоттар икки ардыларынааҕы үһүс куонкурус РФ бэрэсидьиэнин гранын өйөбүлүнэн барар.

Тэрийээччилэр: СӨ Бырабыыталыстыбата, СӨ Култууратын уонна духуобунай сайдыытын министиэристибэтэ, Аан дойду норуоттарын уонна хомуһун түмэлэ, киинэ итиэннэ Варган норуоттар икки ардыларынааҕы уопсастыбата.

Хаартыска: СИА.

© edersaas.ru сайтан

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар