Дьокуускайга «Хомус аптаах дорҕоонноро» («Волшебные звуки хомуса») анимация кылгас киинэ көрдөрдүлэр, Хомус музейыгар. Мульткиинэ Тииҥ уонна Моҕотой мүччүргэннээх сырыыларын кэпсиир. Сатабыл маастары кытта билсэллэр уонна былыргы музыка инструменын — хомус оҥоһуутун историятын билэллэр. Кылгас анимация «Сохранение и развитие государственных и официальных языков в Якутии» судаарыстыбаннай бырагырааманан оҥоһулунна, суруйар ЯСИА.
Музей дириэктэрэ Дмитрий Бястинов үлэ суолтатын кэпсээтэ. «Хомус эйгэтигэр видеобородууксуйа аҕыйах. Документальнай уонна документальнай-художественнай киинэлэр бааллар, анимация суоҕун кэриэтэ. Өрөспүүбүлүкэҕэ бу бастакы мульткиинэ, толору хомуска анаммыт. Хомус историятын уонна тыаһын арыйар толору анимация», — диэтэ кини.
Дмитрий Бястинов киинэ хомуһу уонна айылҕаны сибээстиирин эттэ. «Бу барыта информативнайдык уонна художественнайдык чочуллан оҥоһулунна. 2D таһынан, 3D-анимация техниката эмиэ туһанылынна», — диэтэ кини.
This post was published on 20.02.2025 13:54 13:54