Кулун тутартан хомунаалынайы төлөөһүҥҥэ биир кэлим болдьох олохтонно. Өҥөлөргө кибитээнсийэлэр урукку кэмнээҕэр арыый хойутуу кэлиэҕэ. Ол курдук, төлүүр болдьох 5 чыыһылаҕа диэри олохтонно (бу иннинэ жилищнай кодекска 1 чыыһылаҕа диэри диэн этэ), тиксэриллибит кибитээнсийэнэн төлөбүр 15 чыыһылаҕа диэри оҥоһуллуохтаах (бу иннинэ 10 чыыһылаҕа диэри этэ), суруйда Саха парламент саайт.
Маны сэргэ, кулун тутартан элбэх кыбартыыралаах дьиэлэри тиэхиньиичэскэй инвентаризациялааһын туһунан сокуон үлэлиэ. «Тиэхиньиичэскэй туругу билбэккэ эрэ дьиэҕэ ыытыллыахтаах үлэлэр иэннэрэ сатаан былааннаммат, — диэн Госдума ОДьКХ уонна тутуу сис кэмитиэтин бэрэссэдээтэлин солбуйааччы Светлана Разворотнева этэр. – Биһиэхэ маннык өйдөбүл 2013 сылтан суох. Онон сиэттэрэн хапытаалынай өрөмүөнү оҥоруу сыыһалардаах барар. Былаан быһыытынан кырыыһаны оҥороллор, оттон бу кэмҥэ акылаат туруга мөлтөҕө биллэр”.
Инвентаризация барыыта эрэгийиэннэртэн тутулуктаах. Ол курдук, тиэхиньиичэскэй инвентаризация бюроларынан (БТИ), эбэтэр салайар хампаанньа (УК) оҥорор электроннай пааспардарынан оҥоһуллуо.
This post was published on 11.03.2026 17:03 17:03