Бу сайын хомунаалынай өҥө иһин төлөбүр тарыыба үрдүүр, ортотунан 13%. Ол туһунан сыана бэлиитикэтигэр кэмитиэт бэрэссэдээтэлэ Николай Бочков эттэ.
«Ол аата киһи холбоон төлөөһүнэ 13%-тан элбэх үрдүө суохтаах. Ити эрээри сорох муниципальнай тэриллиилэргэ барыллаан 2% араастаһыы баар буолуон сөп, ол эбэтэр сорох улуустарга 15%, сорохторго 9%. Бэлиэтээн эттэххэ, үрдээһин тенденцията дойдуга саамай улахан буолбатах», — диэтэ Николай Бочков.
Үрдээһин сүрүн биричиинэтинэн уматык сыаната уонна тэрилтэ ороскуота үрдээһинэ буолар. Биэс сылга чох уонна ньиэп икки төгүл, гаас 50%, хамнаска ороскуот 75% улааппыта этилиннэ.
«Чэпчэтиилээх тарыып көмөтүнэн, итии иһин төлөбүр 42% эрэ улаатта. Араастаһыытын өрөспүүбүлүкэ бюджета уйунар», — диэтэ кэмитиэт салайааччыта.
This post was published on 12.05.2025 16:19 16:19