Өлүөнэнэн кыһыҥҥы суол сабыллан, Дьокуускай куорат аннынан Даркылаахха нөҥүө кытылга айанньыттар «Хивус» сымнаҕас сыттыктаах суудунанан туорууллар.
Дьон-сэргэ чаас аҥаара айанныырга «тос» курдук сыаналаах суудуна өҥөтүнэн харчыларын кэрэйбэккэ туһаналлар. Мантан атыны талаллара суох. Сураҕа, эстремал-суоппардар өрүһүнэн уора-көстө массыынанан дьону таһаллар үһү. Эчи, куттала да бэрт.
Аны «хивустар» сыаналарын үрдэтэн эрэллэр үһү диэн сурах кэлэн, бүгүн Даркылаахха бара сырыттым. Онуоха суудуналаах урбаанньыттар:
«Сарсыҥҥыттан сыанабытын үрдэтэбит. Өрүс устара чугаһаан айанныырга ыарахаттардаах буолла. Онон 2000 солкуобайга диэри тарыыппыт улаатыаҕа», — диэн кэпсээтилэр.
This post was published on 27.04.2017 17:38 17:38