3 От ыйа 03.07
  • -7°
  • $ 104,68
  • 115,6

ХИФУ гуманитарнай салааларын устудьуоннара тэйиччиттэн үөрэххэ көстүлэр

Дьокуускайга итиэннэ өрөспүүбүлүкэ сорох улуустарыгар коронавируһунан ыалдьыы үрдүгүнэн ХИФУ гуманитарнай салааларын (тас дойдулар филологияларын института, психология института, историческай факультет, РФ Хотугулуу-Илиҥҥи тылларын, култуураларын института, пединститут, филологическай факультет, үп-экономика института, юридическай факультет) устудьуоннарын тэйиччиттэн үөрэххэ көһөрдө. Тустаах бирикээһи университет ректора Анатолий Николаев бэҕэһээ илии баттаан таһаарда.  


Бирикээс олоххо бүгүҥҥүттэн, ыам ыйын 12 күнүттэн киирэр.

Тэхиниичэскэй факультеттар (автодорожнай, горнай, геолого-разведочнай, естественнай наукалар, математика, информатика института, инженернай-тэхиниичэскэй институт, физкультура института, мэдиссиинискэй институт, физико-тэхиниичэскэй институт) устудьуоннара лиэксийэлэрэ эмиэ тэйиччиттэн барыа. Лабораторнай, практическай дьарыктара кыра бөлөҕүнэн ыытыллыахтара.

Устудьуоннар быраактыкалара итиэннэ түмүктүүр аттестациялара эмиэ тэйиччиттэн тэриллиэхтэрэ. Маныаха кыралыы бөлөҕүнэн дьарыктаныы тэриллиэ.

Следите за самым важным и интересным в Telegram-канале и WhatsApp-группе ЯСИА
0
0