27 Олунньу 27.02
  • -27°
  • $ 92,63
  • 100,18

Хатырык элбэх оҕолоох ыалыгар Ил Дархан ыалдьыттаата

13:01, 12 февраля
Текст:
Хаартыска: t.me/aisen_nikolaev
Читайте нас на
Яндекс Новости
ЯДВ

Ирина Иннокентьевна уонна Владимир Владимирович уон оҕону иитэллэр — аҕыс уол уонна икки кыыс. Үс улахан устудьуон, оттон саамай кыралара 4 саастаах.

2021 сылга Ирина Иннокентьевна Саха Өрөспүүбүлүкэтин «Герой-Ийэ» бэлиэни туппута.

Төрөппүттэр оҕолорун патриоттуу өйдөбүлгэ, төрөөбүт дойдуга тапталга, үлэҕэ уонна айар дьоҕурга иитэллэр-үөрэтэллэр.

Дьиэ кэргэнинэн спордунан, айар үлэнэн дьарыктаналлар, бары бииргэ сынньалаҥнарын атааралларын сөбүлүүллэр. Дьиэлэригэр таптал, бэйэ-бэйэҕэ убаастабыл, көмөлөсүһүү, өйөбүл тыына олохсуйбут.

Кутуковтар кэнники кэмҥэ элбэх оҕолоох ыалларга судаарыстыба болҕомтото улааппытын кэпсииллэр. Федеральнайдааҕы уонна регионнааҕы бырагыраамаларынан кыбартыыра ылбыттар, былырыын чааһынай дьиэ тутуммуттар.

Саха сирэ маннык Кутуковтар курдук ыалларынан киэн туттар, кинилэр дьиэ кэргэттэригэр дьолу уонна барҕарыыны баҕарабын, диэн суруйда Айсен Николаев t.me/aisen_nikolaev

Следите за самым важным и интересным в Telegram-канале и WhatsApp-группе ЯСИА