13 От ыйа 13.07
  • 28°
  • $ 87,74
  • 95,76

Хатыҥ Арыы оҕолоро сахалыы остуол оонньуутун үөрэтэллэр

Читайте нас на
Яндекс Новости
ЯДВ

Хатыҥ Арыы нэһилиэгин бэтэрээннэрин уонна биэнсийэлээхтэрин сэбиэтэ Нам улууһугар биир бастыҥ үлэлээҕинэн биллэр. Нэһилиэк бэтэрээннэрин Оксана Лебедева номнуо уонтан тахса сыл сатабыллаахтык салайар.

Быйыл Педагог уонна Наставник сылынан, Хатыҥ Арыы нэһилиэгин бэтэрээннэрин сэбиэтин көҕүлээһининэн, И.Е. Винокуров аатынан Хатыҥ Арыы орто оскуолатын алын кылаас оҕолоругар иккис сылын хабылыкка, хаамыскаҕа үөрэтии салҕанар. Ааспыт үөрэх сылыгар үөрэммит оҕолор кылааһынан хабылык, хаамыска атыылаһаннар, утумнаахтык дьарыктаналларыгар бэтэрээннэр олук уурбуттар, оҕолорго быраабылаларын үөрэтэн сахалыы оонньууну сөргүппүттэр.

“Ааспыт үөрэх сылыгар оҕолору сахалыы остуол оонньууларыгар Клара Носкова, Марина Семенова, Екатерина Петрова уһуйбуттар. Бу үөрэх сылыгар Клара Носкова, Дмитрий Елисеев үөрэтэ сылдьаллар» — диэн Оксана Ивановна сонунун үллэстэр. Ону тэҥэ: “Наставничество күүскэ үлэлиэн наада. Сатабылбыт көлүөнэттэн көлүөнэҕэ бэриллэн иһэрин туһугар, тугу сатыырбытынан ыччаты үөрэтиэхэйиҥ, билэрбитин үллэстиэхэйиҥ”, — диэн ыҥырыытын ыытар.

Бу курдук, аҕам саастаахтарбыт бары сатабылларын, мындыр өйдөрүн, эйэҕэс сыһыаннарын эдэр көлүөнэлиин үллэстэн, бииргэ алтыһан олоҕу кытта тэҥҥэ хардылыыллар.

Надежда Сивцева, Эҥсиэли

Следите за самым важным и интересным в Telegram-канале и WhatsApp-группе ЯСИА
Тутаах тыллар