29 Кулун тутар 29.03
  • -14°
  • $ 92,26
  • 99,71

Хатаска Үлэ сылыгар анаммыт тэрээһин буолан ааста

Читайте нас на
Яндекс Новости
ЯДВ

«Түмсүүлээх буолуу үтүө түмүктэрдээх, сомоҕолоһуулаах буолуу сайдыы суолугар тахсарга аартыгы арыйар» диэн өйдөбүл хатастарга мэлдьи баар. Биир оннук тэрээһин Саха Өрөспүүбүлүкэтигэр Үлэ сылыгар анаммыт куонкурус буолла. Кэрэхсэбиллээҕэ бу күрэххэ нэһилиэкпитигэр бары тэрилтэлэриттэн хомуур хамаандалар кытыннылар.

Эдэр ыччат норуот хаһаайыстыбатын бары араҥатыгар үлэлии-хамсыы, айа-тута сылдьар. Кинилэр куонкурус сүрүн кыттааччылара буоллулар.

Күрэх түөрт түһүмэхтээх:

1) Бэйэни билиһиннэрии – видеопрезентация
2) Айар куонкурус
3) Өй-санаа туругун тургутар боппуруостар
4) Остуол оонньуута

Куонкурус балаһыанньата эрдэ оҥоһуллубут буолан, барыта орун оннугар, биир тэтимҥэ киирэн, биир тыынынан барда. Бу түгэҥҥэ күрэҕи бэлэмнээбит, ыыппыт Вилена Константинова салайааччылаах хамаанда чуолкай үлэтэ бэлиэтэниэн наада.

Хатас нэһилиэгэр баар тэрилтэлэртэн хомуур хамаандаларга киирбит эдэр ыччаппыт сэргэх, турбут-олорбут, этэргэ дылы, эрбэх үрдүгэр сэттэтэ эргийбит эр бэртэрэ уонна кындыа кыталык кыргыттар. Манна көрдөххө, эдэр ыччаппыт норуот хаһаайыстыбатын бары хайысхатыгар айымньылаахтык, таһаарыылаахтык үлэлии сылдьаллар. Хамаандалар бары эгил-тэгил, биир тэтимҥэ киирэн, эрбии тииһинии тэбис тэҥҥэ баран истилэр. Ол эрээри күрэх аата күрэх кып-кыранан, чуут-чуут диэни эбэн инникилэр биллэн таҕыстылар.

5 миэстэ — “Мы-Биһиги” диэн устудьуоннар хамаандалара буолла
4 миэстэ – П.Н. уонна Н.Е.Самсоновтар ааттарынан Хатас орто оскуолатын эдэр учууталларын “Дьулуур” хамаандата
3 миэстэ – Өссө биир “Дьулуур” (8 нүөмэрдээх Хатастааҕы баһаарынай чаас уонна 70 нүөмэрдээх Хатастааҕы “Кэрэчээнэ” уһуйаан) хамаандата буолла
2 миэстэҕэ “Ситис” диэн “Тускул” КК уонна “Прогресс” ХЭХ хамаандата таҕыста

Кыайыылааҕынан “Три Д” диэн бэрт дьикти ааттаах хамаандаҕа Хатастааҕы эбии үөрэхтээһиҥҥэ үлэлиир тэрилтэлэр исписэлиистэрэ таҕыстылар.

Хас биирдии хамаанда бэлэх-туһах тутуурдаах, суруктаах – бичиктээх эҕэрдэ суруктаах буолла. Күрэҕи өйөөбүт өйдөөбүт, спонсордаабыт, Хатаспыт сайдарын-үүнэрин туһугар күннээҕи да боппуруостарга даҕаны, инникигэ эрэли үөскэтэр дьоһун да хамсааһыннарга – улахан тутууларга, суол-иис оҥоһуутугар, уот-күөс тардыллыытыгар уонна, саамай сүрүнэ, нэһилиэнньэ олоҕун тупсарыыга үлэлиир сокуоннары ылыныыга үлэлэһэр Ил Түмэн депутата Семенов Дмитрий Александрович, куорат дууматын депутаттара Козлова Парасковья Афаеасьевна, Иван Владимирович Салатюк уонна “Ситим” оҕо айымньытын дьиэтин салайааччытын солбуйааччыта, орто оскуолатын төрөппүт кэмитиэтин бэрэссэдээтэлэ, “Агрогородок” түөлбэ салайааччыта Осипов Алексей Дмитриевич буоллулар. Кинилэргэ махталбыт улахан.

Ааптар: Наталья Руфова

Следите за самым важным и интересным в Telegram-канале и WhatsApp-группе ЯСИА