Суол быраабылатын кэһиини фотовидеофиксациялааһын стационарнай комплекса Дьокуускай куорат Хатаһын суолугар үлэлээтэ. Бу туһунан атырдьах ыйын 22 күнүгэр Саха сирин массыына суолун управлениетыттан иһитиннэрдилэр.
«Систиэмэ ”Хатас” регионнааҕы суол 3 + 579 км туруорулунна, утары айан балаһатыгар тахсыыны, суол бэлиэлэрин уонна суол бэлиэтээһинин ирдэбилин кэһиини, ону тэҥэ түргэни үрдэтиини бэлиэтиир», — диэн иһитиннэриигэ ыйылынна.
Ону таһынан «Умнас» массыына суолун саҥардыы кэнниттэн 13 + 783 км камераны 12 + 292 км көһөрүлүннэ. Комплекс 40 км/ч түргэни таһаарыыны бэлиэтиир.
Суол кэһиилэрин бэлиэтиир систиэмэлэр Госавтоинспекцияны кытта сөбүлэһэн, саахал тахсыан сөптөөх кутталлаах учаастактарга олохтоноллор, көһөрүллэллэр, диэн управлениеҕа быһаардылар.
