4 Кулун тутар 04.03
  • -25°
  • $ 91,35
  • 99,11

Харыстанар мааска эрэсиимин киллэрэргэ этии киирдэ

Читайте нас на
Яндекс Новости
ЯДВ

Саха сирин бырабыыталыстыбатын  санитарнай-эпидемияны утары хамыыһыйата эрэгийиэн улуустарын уонна куораттааҕы уокуруктарын баһылыктрыгар маасканы кэтэр эрэсиими киллэрэргэ этии киллэрдэ. Ол эбэтэр уопсастыбаннай миэстэлэргэ, мэдиссиинэ уонна социальнай тэрилтэлэргэ, уопсастыбаннай тырааныспарка маасканы кэтии ирдэниллиэ.

Маннык быһаарыы  кириип уонна ковид  ыарыы сибикитэ уонна ыалдьар дьон ахсаана эбиллэрин кытары сибээстээх. Өрөспүүбүлүкэҕэ 7995 киһи ОРВИ-нан ыалдьыбыта бэлиэтэннэ, ол иһигэр коронавирус элбэх. Билигин кирииби утары быһыыны биэрии үлэтэ көхтөөхтүк барар.  Алтынньы түмүгүнэн 397033 киһи кирииби утары быһыыны ылла. Быһыыны биэрии хампаанньатын кэмигэр нэһилиэнньэ 60-тан тахса  бырыһыаныгар быһыыны биэрии былааннанар. Бу ыарыы өрө турарын бохсорго көмөлөһүөҕэ.

СӨ Роспотребнадзорун управлениета дьон тоҕуоруһар сиригэр сылдьары хааччахтыырга, харыстанар маасканы кэтэргэ, уопсастыбаннай миэстэлэргэ бэйэ бэйэттэн 1,5-2 миэтэрэ ыраах сылдьарга, күн-дьыл туругар эппиэттэһэр сөптөөх таҥаһы таҥнарга, ыарыы сибикитэ билиннэҕинэ, бэйэ эмтиэкэлэммэккэ, дьиэҕэ бырааһы ыҥырарга сүбэлиир.

Надежда Егорова, Саха сирэ

Следите за самым важным и интересным в Telegram-канале и WhatsApp-группе ЯСИА
Тутаах тыллар