Михаил Кривошапкин ( Чурапчы нэһилиэгэ) икки көрүҥҥэ чемпион үрдүк аатын ылан, кыайыыга дьулуурун көрдөрдө. Санатан эттэххэ, Михаил хас да сыл спордунан утумнаахтык дьарыктанан, улууһун чиэһин өрөспүүбүлүкэҕэ, Россияҕа үгүстүк көмүскээн кэллэ. Иван Хоютанов (ЧГФКСИ устудьуона) 70 кг үөһээ ыйааһыҥҥа иккис миэстэ, Иван Степанов (Чурапчы нэһилиэгэ) 70 кг үөһээ ыйааһыҥҥа үһүс миэстэ буолары ситистилэр.
Харахтарынан инбэлиит дьон бөлөхтөрүгэр бастакытын кыттыбыт Фаина Торговкина(Чурапчы нэһилиэгэ) муҥутуур ыйааһыҥҥа иккис миэстэ буолла. Бу категорияҕа 70 кг ыйааһыҥҥа Дьулус Беляев (Сылаҥ нэһилиэгэ) үһүс миэстэни ситистэ. Быйылгы чемпионакка күрэхтэһээччилэр үтүө түмүктэри ситистилэр.
Спортсменнар айаннарыгар тырааныспарынан хааччыйбыт Көрбөттөр уопсастыбаларын бэрэссэдээтэлигэр Василий Пономаревкамахталбытын тиэрдэбит. Бу спорт көрүҥэ инникитин сайдар кэскиллээҕин биир дойдулаахтарбыт ситиһиилээх түмүктэриттэн көрөбүт. Итини тэҥэ А.К. Софронов аатынан спортивнай комплекска эти-хааны эрчийэргэ, спордунан дьарыктанарга сөптөөх усулуобуйа тэриллибитэ олук буолар, суруйда Иннокентий Матвеев, улуустааҕы адаптивнай спорт салайааччыта, «Саҥа олох» хаһыат.
This post was published on 02.12.2024 14:04 14:04