18 От ыйа 18.07
  • 18°
  • $ 88,09
  • 96,3

Хардан учаастагар буулаабыт тыатааҕыны сууллардылар

Читайте нас на
Яндекс Новости
ЯДВ

Кытаанах нэһилиэгин баһылыга Егор Потапов Хардан учаастагар бэйдиэ сылдьар тыатааҕы буулаабытын туһунан иһитиннэрэр. Кытаанах уонна ыалыы сытар Арыылаах, Сылаҥ нэһилиэктэрин олохтоохторугар, кинилэр хаһаайыстыбаларыгар куттал үөскээбитин биллэрэр.


Муус устар 17 күнүгэр Арыылаах нэһилиэгиттэн кэтэх бааһынай хаһаайыстыба салайааччыта Николай Барашков салайааччылаах 9 киһи, кинилэргэ холбуу Таатта улууһун Туора Күөлүттэн икки, итиэннэ Чурапчыттан икки, Кытаанахтан аҕыс булчут турунан, кутталы үөскэппит адьырҕаны бултуу тахсаллар. Булт тэрилтэтиттэн анал лицензия ылаллар.

Кытаанах нэһилиэгэр Куоркун Уйбаан диэн убаастанар кырдьаҕас баазатыгар билигин уола хас да үөр сылгыны көрөн-истэн олорор, ол онно үс үөрүн хааччахха хаайбытыттан ортоку күрүөтүттэн кырдьаҕас биэлэри тардан ылар. Ити иннинэ өссө былырыын ити тыатааҕы Николай Попов биир биэтин итиэннэ Иван Барашков икки биэтин соһор. Буулаабыта ыраатта, дьиҥинэ. Уолаттар Таба Баалыттан биир биэрэстэлээх сиргэ тоһуурдаан, маҥнай элбэх буолан ытыалаан куоттараллар. Утары кууннаах тыраахтырдаах Демьянов Марк тоһуйар. Тыатааҕы киниэхэ тахсан биэрбитин, охторон түһэрэр. Тыатааҕыбыт атыыр буолан биэрдэ, 5 саастаах диэн быһаардыбыт”, — диэн эсэһит Николай Иннокентьевич кэпсиир, суруйда Сэмэн Жендринскэй https://www.instagram.com/sanaoloh/

Следите за самым важным и интересным в Telegram-канале и WhatsApp-группе ЯСИА