Сотору кэминэн Нерюнгрига офтальмологическай киин аһыллара былааннанар. Саҥа балыыһаҕа операционнай, палаталар уонна быраастар кабинеттарын бэлэмнээтилэр, диэн ЯСИА иһитиннэрэр.
«Нерюнгри оройуонун баһылыга Роман Щегельнягы кытта киини арыйыыга үлэ хаамыытын көрдүбүт. Оборудование миэстэтигэр, дьиэ бэлэм. Билигин миэбэл туруоруута барар. Соҕуруу Саха сирин олохтоохторугар бу улахан эбиллии буолуоҕа. Дьокуускайга, Благовещенскайга, Хабаровскайга эбэтэр Читаҕа сырыыны умнан кэбиһиэххэ сөп», — диэн кэпсээтэ өрөспүүбүлүкэтээҕи офтальмологическай балыыһа кылаабынай бырааһа Иван Луцкан.
Нерюнгрига офтальмология киинигэр катарактаны ыраастыыр операциялар, иккис катарактаны лазернай эмтээһин, сетчатканы лазерынан эмтээһин уонна амбулаторнай операциялар ыытыллаллара былааннанар.
This post was published on 22.08.2025 12:46 12:46