13 От ыйа 13.07
  • 31°
  • $ 87,74
  • 95,76

Хараҕы көрөр комплекс массыыната маҥнайгы үлэтин Хатырыктан саҕалаата

Читайте нас на
Яндекс Новости
ЯДВ

Нам улууһун Хатырыгар бу күннэргэ Республиканскай харах балыыһатын клинико-диагностическай отделение салайааччыта Аржакова Валерия Михайловна салайааччылаах бөлөх 150-тан тахса киһини приемнаата. Бэлиэтээн эттэххэ, көлүөһэлээх хараҕы эмтиир комплекс Саха сиригэр маҥнайгы үлэтин Хатырыктан саҕалаата.

Ординатураны 2007 сыллаахха бүтэрбит лазеролог Пателеймон Ефставьевич иһитиннэриитинэн, көрдөрөөччүлэр санаалара көтөҕүллүбүтэ, кэпсэтэргэ аһаҕастара, сэргэхтэрэ быраас үлэлиир баҕатын икки бүк көтөҕөрө саарбаҕа суох.

Үс күн устата офтальмолог быраастар 19 харахха (13 киһи) лазернай операция оҥорбуттар: биир пациеҥҥа биир хараҕар, уоннааҕыларга икки харахтарыгар. Лазернай операцияламмыттары ылан көрдөххө, түөрт харах иккистээн катарактаҕа ылларбыт, атыттара глаукома ыарыытыгар. Холобура, катаракта ыарыыта буулаабыт икки киһи сүүс бырыһыан көрөр буолбуттар. Кинилэр «күн сырдыгын маннык көрөр буолуохпут диэн билиэхтээҕэр сэрэйбэтэхпит даҕаны» диэн олус да соһуйбуттар, аныгы технология сайдыыта түргэнник барарын билиммиттэр. Глаукомалаахтарга, үстэрэ эрдэ биллэр эбит буоллаҕына, атыттарыгар глаукома диагноһын саҥардыы туруорбуттарын лазеролог Аргунов бигэргэтэр. Норуот дэлэҕэ луохтууру «Быраас барахсан» диэн таптаан ааттыа дуо?

Ол курдук, үрдүк таһымнаах харах быраастара оборудованиеларын туругун өссө биирдэ бэрэбиэркэлиэхтэрэ, анаализтыахтара уонна сотору кэминэн, толору оборудованиелаах «КамАЗ» массыына Ньурба куоракка айаҥҥа турунуоҕа. Бу сырыыга кинилэр аҥардас лазернай операциялары эрэ оҥоруохтара. Тоҕо диэтэр, консультатиялааһын, прием үлэтэ эрдэттэн ыытылла турар эбит. Ону кытта тэҥҥэ, Бүлүүгэ, Үөһээ Бүлүүгэ прием тахсар түгэнигэр, кыһалҕалаахтарга лазернай операция оҥорорго тохтоон ааһыахтара.

«Үс күҥҥэ аппараппыт барыта бэйэтин үлэтин көрдөрдө, барыта санаа хоту буолбутуттан, сатаммытыттан үөрэбит. Республика дьонугар-сэргэтигэр үс кабинеттаах толору оборудованиелаах комплекс массыыната баар буолуутугар, Ил Дархан Айсен Николаевка, салалтабытыгар муҥура суох махтанабыт. Маннык массыына баара, биһиэхэ, быраастарга бары өттүнэн табыгастаах», – диир 2008 сыллаахтан Дьокуускайдааҕы республиканскай харах балыыһатыгар үлэлиир лазеролог Пантелеймон Аргунов

Харысхан Попов

Эҥсиэли

Следите за самым важным и интересным в Telegram-канале и WhatsApp-группе ЯСИА