СИА - СпортСүрүн сонуннар

Хапсаҕайга юниордарга Саха сиригэр муҥутуур кыайыылаахтары быһаардылар

Хаартыска: ЯСИА саайта

Дьокуускайга 23-гэр диэри саастаахтарга хапсаҕайга бастыҥнары быһаарсар турнир түмүктэннэ, күрэхтэһии Алексей Никифоров сырдык аатыгар анаан тэрилиннэ. 250 эдэр спортсмен кытынна. Саха сирин муҥутуур кыайыыллаахтарын ааттарын Кэбээйи уонна Орто Халыма тустууктара ыллылар, суруйар ЯСИА.

Тустууну таптааччыларга элбэх сюрприз буолла. Турнир сүрүн сенсациятынан Өймөкөөнтөн Айтал Громов буолла, кини 85 кг диэри финалга тиийдэ уонна саамай титуллаах хапсаҕайдьыт Кэбээйиттэн Айсен Поскачины кыраһыабай быраҕыынан кыайда.

Көҥүл тустуунан дьарыктанааччы Орто Халыматтан Андриан Ленскэй 95 кг диэри ыйааһыҥҥа Федерация кубогын хаһаайынын Үөһээ Бүлүүттэн Сергей Николаевы хотто.

Супер-ыйааһыҥҥа финалга Хаҥаластан Даниил Иванов Саха сирин муҥутуур кыайыылааҕа Намтан Эдуард Максимовы баһыйа тутта.

Хаартыска: Дьулустаан Сергеев/ ЯСИА

Элбэх кыттааччылаах категориянан 65 кг дылы буолла (78 тустуук), кыайыылааҕынан Хаҥаластан Родион Васильев буоллаа. 75 кг ыйааһыҥҥа 60 кыттааччы күүс тутуста. Саамай күүстээҕинэн Намтан Игорь Матвеев ааттанна. Саамай кыра 57 кг диэри ыйааһыҥҥа Ньурбаттан Михаил Осипов бастаата.

Тэрийээччилэр муҥутуур кыайыылааҕы быһаарыыга 75 кг диэри уонна онтон үөһэлэргэ турниры тэрийдилэр. Чэпчэкилэргэ 26 кыттааччы суруйтарда, Кэбээйиттэн Сергей Николаев кыайда, финалга Игорь Матвеевка таҕыста. Ыарахан ыйааһыҥҥа Орто Халыматтан Андриан Ленскэй бастаата, финага Эдуард Максимовка утары турда.

This post was published on 18.11.2024 10:03 10:03

Молодежная программаСпортХапсагай