«Триумф» спорткомплекска бу өрөбүллэргэ хапсаҕайга Саха сирин чемпионата буолар. Өрөспүүбүлүкэ күүстээх бөҕөстөрө көбүөргэ тахсаллар, Манчаары оонньууларыгар путевкалары тутуохтара. Муҥутуур кыайыылаахтарга 100 тыһ солк биэриэхтэрэ, суруйар ЯСИА.
Чемпионат Петр Алексеев аатыгар ананар уонна кулун тутар 29-30 күннэригэр буолар. Муниципальнай хамаандалар 11 хапсаҕайдьыты киллэрэллэр 57, 65, 75, 85, 95 кг диэри уонна 95 кг үөһэ, итиэннэ 60, 70, 80, 90 диэри уонна 90 кг үөһэ бэтэрээннэргэ. Хас биирдии ыйааһыҥҥа Манчаары оонньууларыгар уоннуу путевка оонньонор.
«Муҥутуур кыайыылаахтарга Петр Алексеев төрөөбүт дойдутуттан Ньурба улууһуттан уонна Чуукаар сэлиэнньэтиттэн 100-түү тыһ солк туттарыллыаҕа. Саха сирин хапсаҕайга федерацията эмиэ биэрэр», — ЯСИА -ҕа тэрийээччилэр кэпсээтилэр.
Бастыҥ муниципальнай хамаанда быһыыраллыаҕа.
This post was published on 26.03.2025 16:03 16:03