15 От ыйа 15.07
  • 17°
  • $ 87,74
  • 95,76

Хапсаҕайга Бүтүн Россиятааҕы федерация эһиил тэриллиэн сөп

17:22, 18 сентября 2019
Текст:
Читайте нас на
Яндекс Новости
ЯДВ

Сотору кэминэн хапсаҕайга Бүтүн Россиятааҕы федерация тэриллиэн сөп. Быһаарыы спорт бу көрүҥэр Россия чемпионаттарын уонна да атын бөдөҥ күрэхтэһиилэри ыытарга кыаҕы биэриэ. Манна регионнааҕы хамаандалар кыттыахтара. Бу туһунан СИА-ҕа спорт министерствота иһитиннэрдэ.


«Хапсаҕай Бүтүн Россиятааҕы федерациятын тэрийиигэ юридическай өттүн ырытыстыбыт. Алтынньы 2 күнүгэр диэри барытын быһаарыахтаахпыт. Биһиги хапсаҕайбытынан элбэх субъект интэриэһиргиир. Сорохтор күрэхтэһиилэри ыыппыттара, Илин Уһукка бу чааһыгар улахан уопуттаахтар.

Регионнардааҕы федерациялары тэрийиэххэ наада. Оччоҕуна сотору кэминэн Россия чемпионатын ыытыахха сөп. Биһиэхэ хапсаҕайы сайыннарыыга улахан үлэ күүтэр», — диэн бэлиэтээтэ СӨ хапсаҕайга федерация чилиэнэ Андрей Яковлев.

Мунньахха Саха сирин спортка миниистирэ Иннокентий Григорьев, «Сахаада-спорт» Ассоциация бэрэссэдээтэлэ Александр Ким-Кимэн, спорт национальнай көрүҥнэригэр өрөспүүбүлүкэтээҕи киин дириэктэрэ Гаврил Мохначевскай, Нерюнгри оройуонугар хапсаҕайга федерация президенэ Роман Олейник.

Хапсаҕайга Саха сирин чемпионата куруук элбэх киһини түмэр. Федерация Кубогар сылын аайы оройуоннар сүүмэрдэммит хамаандалара мустан, күүстээҕи быһаарсаллар. Саха таптыыр тустууга көрүҥүн саҥа таһымҥа таһаарар баҕа баһаам. Хапсаҕайга күрэхтэһиилэр Россия эрэ регионнарыгар буолбакка, тас дойдуларга эмиэ ыытыллаллар.

Следите за самым важным и интересным в Telegram-канале и WhatsApp-группе ЯСИА
Тутаах тыллар