Россиятааҕы бойобуой искусство сойууһа Саха сирин спортка министиэристибэтин кытта сөбүлэҥ түһэристэ. Докумуоҥҥа этиллэринэн, хапсаҕай күрэхтэһиитэ бойобуой искусство атын көрүҥнэрин кытта тэҥҥэ улахан турнирдарга ыытыллыаҕа.
Өрүттэр 2025 сылга хапсаҕайга аан дойду чемпионатын Саха сиригэр ыытарга быһаардылар, ол туһунан спорт министиэристибэтин пресс-сулууспата суруйда.
Сөбүлэҥҥэ илии баттаһыы «Хаҥалас хапсаҕайа» турнир кэмигэр олунньу 3 күнүгэр буолла.
Россиятааҕы бойобуой искусстволар союзтарын президенэ Рамиль Габбасов эппитинэн, аан дойду чемпитонатыгар 30 дойду бэрэстэбиитэлэ кыттыаҕа. Хапсаҕайы таһынан, спортсменнар киргизтии, казахтыы уонна да атын тустуу көрүҥэр киирсиэхтэрэ.
This post was published on 05.02.2024 11:03 11:03