Уус Алдан улууһуттан хапсаҕайдьыта Евгений Алексеев Иннокентий Халдеев турнирыгар муҥутуур чемпион буоларын бигэргэттэ, ахсыс төгүлүн кыайда. Атын ыйааһыннарга саамай чулууларынан Иван Семенов Кэбээйиттэн, Платон Саввинов Үөһээ Бүлүүттэн уонна Иван Тарасов Орто Халыматтан ааттаннылар, суруйда ЯСИА.
Турнир Бороҕоҥҥо олунньу 14 — 15 күннэригэр ыытылынна. 270 спортсмен кытынна. Эр дьоҥҥо муҥутуур кыайыылааҕы 75 кг диэри уонна үөһэ, бэтэрээннэргэ уонна уолаттарга быһаарыстылар.
75 кг үөһэ Евгений Алексеев Тумултан үрдүк бэлэмнээҕин көрдөрдө. Бастакы эргииргэ Николай Константиновы Чурапчыттан кыайда. Салгыы араас турнирдар күүстээхтэрэ Никита Софроновы баһыйа тутарын көрдөрдө. Финалга Алексеев Бүлүү улууһуттан биллэр-көстөр Николай Николаевы көбүөргэ бырахта, онон муҥутуур буолла. «Интехстрой» хампаанньаттан киниэхэ сүрүн бирииһи 200 тыһ солк сертификат туттарылынна.
Күрэхтэһии туһунан сиһилии манна аах.
Санаттахха, Иннокентий Халдеев турнира Саха сирин чемпионатыгар бэлэмнэниигэ күүһү бэрэбиэркэлиир түһүмэх буолар.
This post was published on 17.02.2025 12:03 12:03