Хантараагынан байыаннай сулууспаҕа сүүмэрдиир киин Саха сиригэр арылынна, ол туһунан муус устар 11 күнүгэр брифиҥҥэ РФ БК старшай прапорщига, Дьокуускайга байыаннай сулууспаҕа сүүмэрдиир пуун инструктора Алексей Колесов эттэ.
Киин үлэтин «Абырал» куорат санаторийын баазатыгар муус устар 10 күнүгэр саҕалаата. Манна медицина көрүүтэ, хантараакка сулууспалыы барааччы кандидаты кытта кэпсэтии ыытыллар.
Санаттахха, хантараакка сулууспаҕа 18 — 59 саастаахтар хабыллаллар, биирдиилээн түбэлтэҕэ — 65 диэри саастаахтар. Тоҕус кылаастан кырата суох үөрэхтээх буолуохтаах, сулууспалыырга А уонна Б категориялаах.
