Үлэ министиэристибэтин исписэлиистэрэ официальнай телеграм-ханаалларыгар ханнык түгэҥҥэ уоппска күннэрин харчынан ылары быһаардылар.
Харчынан компенсацияны ылыахха сөп, өскө эн эбии төлөнөр уоппускаҕа бырааптаах буоллаххына. Үлэни биэрээччини кытта сөбүлэҥинэн эбии уоппуска күннэрин харчынан ылыахха сөп, уоппуска сүрүн чааһын туттубут буоллаххына.
Эн буортулаах эбэтэр сэрэхтээх усулуобуйалаах үлэҕэ үлэлиир буоллаххына уоппусканы харчынан ылыахха сөп, маннык компенсация үлэҕэ сөбүлэһии, кэлэктиип дуогабарыгар суруллубут буоллаҕына.
Компенсацияны киһи уурайарыгар, уоппускатын күннэрэ хаалбыт буоллахтарына, хайаан да биэриэхтээхтэр.
Харчынан солбуллубат:
- Уоппуска сүрүн чааһа 28 күн;
- сылын аайы бэриллэр эбии уоппуска күннэрэ – хат дьахталларга уонна саастарын ситэ илик үлэһиттэргэ;
- сылын аайы бэриллэр эбии уоппуска – буортулаах эбэтэр сэрэхтээх усулуобуйалаах үлэҕэ үлэлииргэ (кыччаабыта 7 күн).
This post was published on 25.02.2025 12:16 12:16